[untitled]

ganyan ang buhay ko ngaun
tila isang nakawiwiling sayaw
ngunit mahirap aralin
mahirap pinuhin ang bawat galaw

ang buo mong akala
tila alam ko ang aking ginagawa
ngunit tanging katotohanan lamang
tila ako batang pariwara

hangaring maiindak ng may katinuan
ngunit lubha lamang pumapalpak
nagkandadapa-dapa, nagkapatidpatid
hanggang sa biglang lalagapak

tulad ng sayaw ng isang baliw
di man matino at walang sinusunod
at di sigurado kung paano hihinto
para sa kanya,taglay nito'y ligayang ubod