SARAO

mahirap talaga ang naiipit
kung mainit pa, tiyak na malas
ang halu-halong anghit at amoy ng pawis
lalasunin ka at hihiluhin sa dyip

ganyan talaga ang lagay kapag trapik
sardinas ang mga behikulo sa daan
ang lahat namamatay sa pagkainip
kulang na lang ay maglakad pauwi

parang biyaheng langit
maraming nagmamadali
tila isang magulong pila
sadyang di ka makakasingit

maraming nagiiba ng ruta o ng daan
napapashortcut at biglaang napapaliko
wala ng pakialam kung tama pa ang patutunguhan
basta sa trapik ay makatakas lang

kung sadyang malas
at nanatiling ipit
pagpasensyahan nalang
tanging magagawa'y maghintay at magtimpi