ESKAPO

magulo, maingay, marungis
isang mundong tunay na mapang-api
walang patumanggang dumudurog at kumikitil
sa mga mahinang nilalang tulad ko

ako na walang ginawa kundi magtago
itinatago sa likod ng nakangiting maskara
ang bawat paghihirap, sugat, at panggigipuspos
nagbabalat-kayo at nagkukunwari

ngunit hindi magtatagal ang maskara
unti-unting lalabas at makikita ang lamat
at akong isang talunan at mahina
tanging magagawa'y umiwas, tumakbo...
tumakas